“A man is literally what he thinks.”
وده معناه ان اى حاجه تفكر فيها هتصنع شخصيتك …..وبعد فتره هتتحول (ومحدش يفهمنى غلط) علشان تبقى الشخصيه اللى انت فكرت فيها
الافكار السلبيه بتسيب وراها احاسيس سلبيه والاحاسيس السلبيه بتسيب وراها ميل واتجاه للسلبيه والتعاسه وبتصنع بعد فتره برمجه سلبيه وده بيؤدى الى شخص سلبى … بينما
الفكره الايجابيه بتصنع احاسيس ايجابيه ودى بتسيب وراها اتجاهات فكريه وفلسفه ايجابيه فى الحياه وبتصنع شخص ايجابى ….. وسعيد
فى كل مره تحس فيها باحاسيس سلبيه (متضايق او مخنوق او متشاؤم او ….الخ) يبقى اكيد ورا الاحساس ده فكره سلبيه ومن نعم ربنا علينا ان عمل لنا قانون من قوانين العقل الباطن اسمه قانون الاحلال (وموجود قانون زى كده فى الكيمياء كمان )
اما فى كيمياء العقل فالقانون ده بيقولك ان فكره ايجابيه ممكن تحل محل فكره سلبيه وتغير الاحساس السلبى الى احساس ايجابى …
واجب عملى : اكتب عندك فى اجنده او ورقه او كشكول او حتى فى فايل على الكمبيوتر ..مجموعه من الانجازات او الحاجات اللى بتحسسك بوجودك وكيانك وكل لما تحس باحساس سلبى اقعد ركز شويه وعيش فى الحاجات اللى انت كاتبها دى ووجه تفكيرك (غصب عن عينه) انه يفكر فى ازاى يبقى احسن فى الحاجات اللى بتحبها دى
تحياتى
This entry was posted on Friday, October 10th, 2008 at 7:01 pm and is filed under Human Development. You can follow any responses to this entry through the RSS 2.0 feed.
You can leave a response, or trackback from your own site.
December 7, 2008 at 9:02 pm
كلام رااااااااااائع ….
December 8, 2008 at 7:12 am
شرفنى وجودك يا شيماء وانتظر المزيد من ردودك وآرائك
لك خالص تحياتى وكل عام وانت بخير