Posted by ahmedkaram Kung fu integrated in self-help
August 5, 2008بسم الله الرحمن الرحيم
انا عندى هوايه كده اسمها “التفكير” ….بحب اوى اعمل من الــ “الحبه قبه” زى ما بيقولوا
والمقال بتاع النهارده مثال على كده …
يعنى مثلا: اثناء تدريب الكونج فو بتاعى النهارده ..اتزحلقت ووقعت على ايدى وكان ممكن ايدى تتكسر فيها لولا ان قدر الله لى غير ذلك
واحد هيقوم قايلى واحنا مالنا انت وقعت ولا موقعتش …ايه الغلاسه دى …
هقوله بمنتهى الغلاسه برضه دى مدونتى وانا حر اكتب اللى انا عايزه …
بس انا مش بكتب المشاركه دى علشان اتكلم عن كونى وقعت او مش وقعت انا بكتبها علشان اشرح رد فعلى بعد ما وقعت ..
اللى حصل انى قمت بسرعه جدا ووقفت فى جنب افكر انا ليه وقعت اثناء ما كنت بحرك ايدى علشان ميكونش حصل حاجه
وفهمت انا ليه وقعت
وبعد كده كملت لعب تانى عادى جداا وصورتى قدام الناس اللى بتلعب متهزيتش (وده علامه على الثقه فى النفس) وصورتى قدام نفسى كانت افضل لانى لما وقعت اتعلمت من غلطى وموقعتش تانى
اللى عايز اقوله من ورا الكلام الكتير ده كله هو انه مهما وقعت اقف تانى وفيه مثل صينى بيقولك “لو وقت مره اقف مرتين ولو وقت تلاته اقف اربعه “ بس لو وقفت وكررت التجربه من غير ما تتعلم منها مش هتصاب الا بخيبه الامل وضعف الثقه فى النفس لانك متعلمتش حاجه
انما لما بتتعلم من اخطائك وتتحسن باستمرار يبقى انت كده على طريق التحسن دايما …
ربنا يستر بقى ومجيش اكتب المقال الجاى وايدى مكسوره …!!!
تقبلوا تحياتى
د.احمد كرم
4 Comments | 
Human Development | 
Permalink
Posted by ahmedkaram
