ولو انى مفهمتش اوى ايه المطلوب بس هحاول والدكتوره هبه الله تبقى تصلح لى بقى الواجب
الموضوع اصلا عن الحاجات المزعجه اللى بتسبب ليا انا شخصيا ازعاج ….صح ؟
والفكره الحقيقه مش عارف من ابداع مين بالظبط انما اهو واجب ولازم نعمله صاحبه الواجب ..د.هبه الله (قطر الندى)والموقع
http://www.drheba.com/
اكتر حاجه مزعجه بالنسبه ليا …
والله مش عارف ..انا اتعلمت انى مسمحش لحاجه انها تزعجنى
بس يمكن زمان اتفق مع الدكتوره به فى حته معمل الصيدلانيات دى
والزعيق عموما كان بيسبب لى ارهاق نفسى
كمان كنت بخاف اوى انى اكلم الناس ولما بيبقى مطلوب منى
انى اعمل حاجه زى كده كنت برتعش وركبى بتخبط ع الجيران !!!!
كمان السباب العلنى فى الشوارع وبين الاصدقاء كان بيزعجنى جدا
ايام الامتحانات لما كنت ببقى حريص على النص درجه والربع درجه كمان
لما يبقى عندى معاد مع حد مهم
(وكيل كليه مثلا ولا رئيس جمعيه ولا انترفيو فى شركه ما ولا فى مركز ما ) كل ده كان زمان بيزعجنى
دلوقتى مفيش حاجه بتسبب لى اى نوع من انواع الازعاج
الا لما يوحشنى اقوم اسيب نفسى تنزعج شويه !!!!!!!ز
مستنى درجه الواجب !!!!
تحياتى
د.احمد
Posted by ahmedkaram 
