“الجزء الثانى من “عصر العلم

ايه رايكم لو نكمل الجزء التانى من حوارنا

هو بيعرض لبعض المحاضرات اللى القاها فى مناسبات مختلفه

زى مثلا فى حفله تسليم جائزه نويل او حفله تقليده بقلاده النيل اللى هى اعلى وسام فى الجمهوريه

واللى اداهاله الرئيس حسنى مبارك

وغيرهم من المحاضرات

والحقيقه اتسمت كل هذه المحاضرات او اغلبها بالفكره المسيطره على عقل دكتور زويل الا وهى فكره التنميه فى الشرق الاوسط

ونظرته الشخصيه لهذه المسأله ومقترحاته بهذا الصدد

وبيعرض لتجارب بعض الدول الناميه او اللى كانت ناميه فى وقت ما قبل ما الشعوب بتاعتها تفوق وتنفض غبار الجهل

عن كاهلها حتى تشرق على ارضها شمس العلم والتقدم

والحقيقه د.زويل بيتميز بالتحيز لمصر بشكل قوى جداا وهو قارئ جيد للتاريخ الانسانى ومتابع للاحداث العالميه

وله عده زيارات لعدد غير قليل من دول العالم وشاهد تجارب عديده فى التنميه وشرحهاله اصحاب هذا التنميه انفسهم

فنظرته دى ليست بالهينه ولا السطحيه وانما نابعه من عقل يشع بالعلم والايمان

…………….

طيب نتكلم بقى شويه عن الفمتو ثانيه

وقت ما دكتور زويل بدأ يدرس الذره كان قدر المعرفه عند العلماء هو البيكو ثانيه

وده معناه واحد على 1000 000 000 000  من الثانيه

ودى وحده قياس زمنيه بتستخدم فى قياس سرعه قراءه الملفات من على سى دى مثلا  او سرعه نقل ملف على النت

بدأ دكتور زويل يدرس سلوك الذرات فى التفاعلات الكيميائيه ويحاول يعرف هى بتعمل ايه

بس الزمن اللى بتم بيه التفاعلات دى اقل بكتيييير من البيكو ثانيه …تخيل !!!؟؟

وعليه فقد بدأ دكتور زويل فى حوالى سنه

1985s

انه يتوصل الى طريقه لتقسيم الزمن لوحدات اصغر علشان يقدر يشوف الذره اثناء تفالاعتها

 

ابسط لك الامور شويه ؟

هل الحصان اثناء جريه فى سباق ما بيكون فى كل اللحظات له قدم تلامس الارض ام احيانا يكون كله معلق فى الهواء ؟؟

هل تقدر تجاوب على السؤال ده بمجرد التخمين ؟؟؟ ولا زم تصور حصان بكاميرا سريعه جدااا تقدر تجيب لك حوالى 1000 صوره فى الثانيه

علشان تقدر تقارن بين كل الصور دى وتشوف حركه الحصان بالتصوير البطئ اوى وتشوف فعلا اجابه السؤال اللى فات

طيب

هو ده اللى عمله دكتور زويل بالظبط بس على اعتبار اننا هنبدل الحصان بماده او اكثر اثناء تفاعل كيميائى

ونبدل الكاميرا اللى بتقدر تطلع الف صوره فى الثانيه الى كاميرا اخرى بتستخدم ليزر فائق السرعه علشان

تديلك 1000 000 000 000 000 صوره فى الثانيه الواحده

يعنى 1/1وجنبه 15 صفر وده اللى هو الفمتوثانيه ..!!!!؟

يعنى بكده نقدر وبكل ثقه نقول ان دكتور زويل وفريقه قدروا يقسموا الثانيه اللى فمتوهات

طيب هل دى اضافه قيمه للعلم ؟؟؟ يعنى ايه الفائده من انى اشوف الذره وهى بتتفاعل ؟؟

اقولك انا بقى بس معلش كلامى هيكون المره دى شويه للمتخصصين ..

هل حضرتك درست التفاعلات الكيميائيه ؟؟ الاضافه والاحلال وغيره ؟؟

مش كان بيتكون مثلا مركبات وسطيه ؟؟؟ هل كنا بنشوفها ؟؟

دلوقتى بقى نقدر نشوفها وهى بتتكون وبتختفى كانك بتتفرج على فيلم فيديو !!!!؟

ده فى حد ذاته بس ادى الى نشأه علوم جديده لم تكن معروفه من قبل  زى

Femtochemistry

FemtoBiology

تخيل ؟؟؟

علشان كده تم تكريم فريق العمل وعلى راسهم دكتور زويل بالحصول على جائزه نويل فى الكيمياء للعام

1999

منفردا … تقديرا لاسهامه وفريقه فى دفع عجله العلم للامام بعد عمل

متواصل استمر اعوام عديده وانتهى عام

 

1996 وتم تكريمه عام 1999 بنوبل

احب بس الفت النظر الى ان كالتيك فيها حوالى 30 نوبل …يعنى 30 عالم فى كالتيك واخدين جائزه نوبل

كمان احب اقول ان مساهمه امريكا فى عجله التقدم العلمى بتقدر ب حوالى 32 % واوروبا حوالى 34% و

مجموعه من الدول الاسيويه بتقدر مساهمتهم بحوالى 22 % اما

اسرائيل فحوالى 1.3% واما ما يتعلق بالوطن العربى فيتراوح بين صفر الى 1.3 % ؟!!!؟

مصر وحدها 0.3 % من المساهمه العالميه

تخيل ؟؟!!! ولا بلاش تخيل دى لان حتى دى صعب اوى تخيلها

خلينا نعمل زى

 OTV

!!!!! ونقول …شوفت بقى

المهم … خلينا نرجع للفمتو وزويل وسيبنا من الكلام الوحش

اللى بيقلب المواجع ده !!!؟

عرفت ليه بقى زويل اخد نوبل ويعنى ايه فمتو ؟؟

فى نهايه الكتاب هنلاقى حوار عمله الصحفى : احمد المسلمانى مع دكتور زويل فيه شويه اسأله جامده طحن الحقيقه

واجابات اروع من الطحن نفسه !!!!؟

 

اعتذر عن استخدام هذه اللغه ولكنها اصحبت متطلب من متطلبات الحياه السويه وسط المجتمع المصرى

 

وبكده يكون الكتاب خلص

الكتاب اكثر من 260 صفحه  والطباعه جميله جدااا والنسخه شيك بدرجه ممتازه

كمان الغلاف عباره عن صوره لدكتور زويل

وادى صوره الكتاب:

 

اللى يحب يعرف معلومات اكتر عن الكتاب يتفضل بزياره المواقع دى هيلاقى فيها الكثير

http://www.dmweblog.net/2006/06/24/ahmad_zwial

http://www.alahd.com/artc.php?id=779