ايه اكتر ماده بتحبها فى كليه صيدله ؟ وليه ؟

سؤال مهم جداا وعلى اساسه هيتحدد انت هدفك ايه فى الدنيا دى؟

انا شخصيا بعشق حاجه اسمها الكيمياء الطبيه والكيمياء العضويه

بعتبر الكيمياء دى ام العلوم كلها

الكمياء الطبيه دى بقى بتقولك ايه يا سيدى ؟

بتقولك ان تصميم الدواء دى لعبتى ..يعنى خيال واسع .. يعنى انا والكمبيوتر وربنا تالتنا

يعنى دماغ فاهمه كويس اوى

يعنى هنعمل حاجه جديده… يعنى ابداع ….يعنى هنكسب فلوس …يعنى هنعالج حاجه ملهاش علاج

هكملكم بعدين بقى …

سلام

ازاى تقدر تحسن مستوى اللغه عندك ؟

بسم الله الرحمن الرحيم

اى حد فينا محتاج يتعلم انجليزى ويجيده كمان…صح ؟؟

طيب

ازاى تقدر تحسن مستواك فى اللغه الانجليزيه ؟؟

انا هتكلم عن اللى حصل معايا …

كنت محتاج اتعلم حاجات كتير عن التنميه البشريه ولما لجأت للكتب اللى بالغه العربيه وجدت ضعف رهيب اما من حيث الترجمه او الاهمال فى الوصول للمعنى من جانب المترجم

كمان لاقيت ان فيه ندره فى الفيديوهات والاوديوهات اللى بتتكلم عن مواضيع التنميه البشريه  بالرغم من وفره رهيبه فى الفيديوهات والاوديوهات اللى باللغه الانجليزيه اللى بتشرح الحاجات دى وكمان ببلاش فاصبحت فيه مشكله بتواجهنى وهى انى لازم اتعلم انجليزى الاول علشان اعرف اتعلم تنميه بشريه ومن هنا بدأ الحل

بيقولوا الحاجه ام الاختراع

بدأت انزل اتفرج على افلام اجنبى والترجمه بتاعتها بالانجليزى ونزلت ترجمه مسلسل بريزون بريك كلها بالانجليزى علشان اتابعها

وبدأت اسمع واسمع واسمع …..!!!!

بعد كده بدأت ادخل على مواقع تعليم وانزل فيديوهات تعليم او برامج وغيره وبدأت بعد فتره من السماع انى اتعلم بطريقه منظمه

وابدأ احفظ مصطلحات وكلمات واشوف القواعد بتاعه اللغه لحد ما اصبحت دلوقتى ممكن اسمع اوديو مثلا مدته 6 ساعات وابقى فاهم ايه اللى بيتقال كله

اعتقد ان السمع هو افضل وسيله لتعلم اللغه واعتقد هى دى اجابه سؤالى ….!!! ايه رايك انت بقى ؟؟عندك طريقه افضل ؟؟

here we shall talk about human development sciences

for example

Self-confidence

Time management

communication skills

Leadership

marketting and selling

Mission , Vision & goals

Mind & Thinking

Business mangement

Negotiation skills

NLP

and so on

what makes a good learner

here is a mind map about the tools of good learner

Hellow every body

In the name of Allah the Gracious Merciful

This is my first post in this blog.

I hope you’ll learn something new here every time you visite me.

انا قسمت البلوج ل 3 اقسام :

واحد للتنميه البشريه  وده نابع من ايمانى العميق بان كل واحد فينا بيشوف الدنيا من خلال خبراته هو بس

وده بسميه ” نظارتك الشخصيه” اللى انت الوحيد اللى بيشوف الدنيا من خلالها

ده بيخلى افق الشخص ضيق

دلوقتى فيه علوم اسمها علوم التنميه البشريه بتهدف الى تحسين قدرات الشخص علشان ينجح فى حياته الماديه والروحيه

وفيه اعلام كتير فى المجال ده منهم د.ابراهيم الفقى ود.صلاح الراشد و د. طارق سويدان وغيرهم

وعلى المستوى الغربى فهنلاقى ناس زى

Dr Brian Tracy وده واحد من اكتر الناس اللى بحب اسلوبهم

Anthony Robins

Steven Covey

Abraham Maslow

William James

Del Carnigie

Richard Bandler

وغيرهم كتير ….!!

اما الجانب التانى من البلوج فهيكون عن الصيدله باعتبارى صيدلى فى المقام الاول

وهتكلم فيه عن كل ما يهمنى ويهمك فى مجال الصيدله

هتلاقى هنا كتب ,مقالات ولنكات لمواقع متميزه او حتى  اخر الاخبار العلميه المثيره فى مجالنا

هحاول اكون متميز شويه فى الحاجات اللى هحطها واللى ارجو انها تنال اعجابكم

القسم التالت هيكون عن اللغه الانجليزيه ان شاء الله

ليه بقى ؟؟

الحقيقه دى تجربه حصلت معايا انا…لما بدأت احسن ان الدنيا بتاعتى صغيره على طموحاتى لاقيت العلوم اللى باللغه العربيه

محدوده نوعا ما … حتى الترجمات اكتشفت انها مش دايما بتكون دقيقه فى توصيل وجهه نظر الكاتب الاصلى للموضوع

فقررت اتعلم اللغه بنفسى واقرأ انا بنفسى باللغه الاصليه بدلا من الترجمات علشان اكون قادر على الوصول للمعنى اللى يقصده الكاتب

كمان لان العلوم دلوقتى فى العصر الحالى موجوده عند المجتمعات الغربيه واللى مش بتتكلم باللغه العربيه ولا تعطى اهتماما للعرب

فلازم الانسان العربى يتعلم لغه الناس اللى بيحاول ينافسهم مش بس اللى بيتعلم منهم !! ومن هنا جاء ايمانى القوى باهميه اللغه لاى فرد

بيحاول انه يتواصل مع العلم اللى هو لغه العصر واللى هو مش بلغتنا الاصليه ..!!

اتمنى انجح فى توصيل رساله او اعطاء فكره او مشاركه راى معاك

اتعلم منك حاجه جديده واعلمك حاجه جديده ….وبكده ننجح احنا الاتنين فى الدنيا وكمان فى الاخره

تقبلوا تحياتى

د.احمد كرم